مطبخ

طريقة عمل البط المحشى ارز بالخلطة

فهرس الموضوع

طريقة عمل البط المحشى ارز بالخلطة , طريقة عمل البط المحشى للشيف الشربينى , طريقة عمل البط المحشى بالبصل , طريقة عمل البط المحشى بالارز فتكات , طريقة عمل البط المحشى بالارز البسمتى , طريقة عمل البط المحشى بالارز بالصور , طريقة عمل البط المحشى بالفريك , طريقة حشو البط

بط محشى بالخلطة والبرتقال
من الآخر كده اللى ما جربش البط بالبرتقال ما اكلش بط
اول حاجه بعد ما نغسل البطه حلو ونضفها وبنعمل محلول ننقع فية البطه ليله كامله فى التلاجه

بنحط نص كوبابة سكر مع ربع كوب ملح وربع كوب خل وعصير ليمونه وعصير برتقاله ومش بنرمى القشر بنحطه فى محلول النقع

واضيف عليهم 5 او 6 لتر مايه بحيث تغطى البطة واحطها فى التلاجه لتانى يوم

الخلطه

بقطع بصله متوسطه وادبلها فى معلقة سمنه دقيقتين على النار واقطع الكبده والقناصة بتاعة البطة واحطها مع البصل

واقلب دقيقتين واضيف كوب شاى مليان ارز مغسول وملح وفلفل وربع معلقة قرفه وبشر برتقاله وعصير برتقاله ونص كوب مايه

واقلبهم على النار لحد ما الارز يشرب السوايل اللى فيه احشى بيه البطةواربط رجلين البطه علشان لما تستوى ما تتفتحش

ويبقى شكلها مش حلو واحط شريحة برتقال على فتحة البطه اغطى بيها الرز


فى الصنيه اللى ها ندخلها الفرن بقطع برتقاله شرايح وبصلتين وجزرتين واتبلهم بملح وفلفل

واحط البطه فوقهم واعملها صوص ادهن وشها بيه


الصوص عباره عن معلقة كبيره صلصه ومعلقة كبيره مسترده ومعلقة كبيره زيت زبتون لو مفيش حطى زيت ذرة ومعلقة شاى عسل اسود

ورشة ملح وفلفل واقلبه حلو وادهن بنصهم البطه واخلى النص التانى على جنب لحد ما البطه تستوى ادهنها بيهم 


بعد ما ندهن البطه بضيف كوب مايه سخنه فى ارضية الصنيه بجيب ورق فويل وادهنها زبت من الجهه الملامسه للبطه

علشان ما يلزقش فيها واغطى الصنية حلو وادخلها الفرن على درجة حرارة 200 بتاخد من ساعتين ل3ساعات حسب حجم البطه

واخر ربع ساعه بكشف الفويل وادهنها بالصوص الباقى مره تانيه واسيبها لحد ماتحمر وبالهنا والشفا

الوسوم
اظهر المزيد

Omier Ezzat

اسمي عمير عزت عمري 24 سنة اعشق التدوين ومتابعه الاخبار وتسجيلها

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق