معلومات تاريخية

معلومات عن تمثال نفرتيتي الموجود بألمانيا

قصة نفرتيتي , هل نفرتيتي مسلمة , “جمال نفرتيتي” , مومياء نفرتيتي , مواصفات الملكة نفرتيتي

الملكه نفرتيتي بالصور , نفرتيتي وسيدنا يوسف , تمثال نفرتيتي

نفرتيتي
نفرتيتي
نفرتيتي
نفرتيتي
نفرتيتي
نفرتيتي
نفرتيتي
نفرتيتي
طابع بريد نفرتيتي
طابع بريد نفرتيتي
نفرتيتي
نفرتيتي
نفرتيتي
نفرتيتي

و راس نفرتيتي ما هنسيبك يا ألمانيا  …. حكاية الألمان مع الملكة المصرية 🇩🇪 ❤️ 🇪🇬Queen Nefertiti Bust

️️الحكاية بدأت سنة 1912 لما كانت بعثة أثرية ألمانية بتعمل تنقيب فى مدينة تل العمارنة

عاصمة مصر فى فترة حكم إخناتون (1353-1336ق.م).

عالم الEgyptology و الأثرى الألمانى (لودفيج بورشاردت – Ludwig Borchardt)

إكتشف تمثال نصفى نادر للملكة (نفرتيتي) زوجة الملك إخناتون (الأسرة الثامنة عشر فى عصر الدولة الحديثة).

التمثال صاحب ال 3400 سنة نحته النحات المصرى (تحتمس) عام 1345ق.م تقريبا

… قدر (بورشتاردت) انه يخبى التمثال عن مفتش الأثار المصرية و يهربه على برلين بعد ما أخفاه وسط كومة من قطع الفخار المكسور.

و بعد جولة طويلة على متاحف ألمانيا بدأت فى 1913، أستقرت رأس (نفرتيتي) أخيرا فى متحف برلين الجديد بعد ال Re-Opening بتاعه فى 2009 😍😍
فى خلال ال100 سنة دى، الشعب الألمانى أرتبط وجدانيا ب(نفرتيتي) و بقى يعتبرها ملكة ألمانية لدرجة إن التمثال بقى رمز للهوية الوطنية و رمز ثقافى لبرلين

 و وصل ارتباط الألمان بالتمثال لدرجة ان صورته بقيت موجودة على بطاقات و طوابع البريد كرمز وطنى لألمانيا.

و فى 1999 ظهرت صورة وجه نفرتيتي على الدعاية الأنتخابية لحزب الخضر الألمانى

مع شعار (إمراءة برلين القوية -Starke Frauen für Berlin). ❤️❤️


و بما إن الشعب الألمانى شعب محترم، فوكالة (Deutsche Welle (DW الألمانية

نشر تقرير صحفى بتاريخ 2 نوفمبر 2009 تحت عنوان (Germans Deceived Egyptians Into Exporting Nefertiti Bust).

و كان التقرير بيتكلم على إن التمثال خرج من مصر بشكل غير شرعى و إنه قانونيا من حق مصر

طب ممكن بقا نترجم الأحترام ده لفعل و نرجع التمثال؟!!

طبعا الفكرة دى لوحدها كفيلة انها تكون سبب فى قيام حرب عالمية ثالثة 😃😃 احنا نعترف (أه) لكن نرجع التمثال (لأ) 😂😂 


طول السنين دى كلها مصر بتطالب ألمانيا بعودة التمثال، و وصل إن مصر هددت بحظر التنقيب الألمانى عن الأثار داخل مصر

 لكن مفيش فايدة.. لدرجة إن (هتلر) سنة 1933 رفض فكرة إعادة التمثال للملك فؤاد كمبادرة سياسية

و قال انه هيبنى متحف جديد مخصوص ل(نفرتيتي). ❤️❤️

و لما الحكومة المصرية عرضت على ألمانيا فى 2012

انها تستضيف التمثال فى حفل إفتتاح المتحف المصرى الكبير المنتتظر انه يكون أكبر متحف للأثار فى العالم

انطلقت فى نفس الوقت حملة فى (هامبورج) بأسم (رحلات نفرتيتي)

بتدعم فكرة إعارة التمثال لمصر فى إفتتاح المتحف الجديد..

لكن خوف الحكومة الألمانية على ضناها خللاها تتحجج بأن التمثال هش و ممكن يتكسر فى نقله.

جريدة (التايمز) البريطانية علقت على الموضوع ده و قالت إن ألمانيا خايفة على التمثال ليروح مصر و ميرجعش تانى.


تمثال (نفرتيتى) يعتبر أجمل تحفة فنية من العصور القديمة، و أشهر عمل فنى فى العالم بعد لوحة الموناليزا.

و تم إعتباره رمز للجمال الأنثوى، اللى بيصور امرأة بعنق طويل و حواجب أنيقة مقوسة و أنف نحيل و ابتسامة غامضة و شفايف حمراء

و اللى جعل نفرتيتي واحدة من أجمل وجوه العصور القديمة.


و بسبب أهميته الفنية و التاريخية و الأقتصادية، إدارة متحف برلين خصصت قاعة كاملة لعرض تمثال (نفرتيتي)

لوحده بدون عرض أى تماثيل أو قطع أثرية تانية معاه  و بيزوره سنويا أكتر من مليون سائح. 


ألمانيا بدأت فى 2015 بتصنيع تمثال مُقلد للتمثال الأصلى لنفرتيتي

و بيتم بيعه للسياح كتذكار و رمز لألمانيا.. سعر النسخة الواحدة من التمثال المُقلد 9000 يورو 😮😮

أسم نفرتيتي بالمصرى القديم معناه (الجميلة أتت)  و ده بسبب ملامحها الجميلة اللى كانت ظاهرة عليها فى لحظة الولادة


التمثال طوله 47 سم و وزنه حوالى 20 كجم من الحجر الجيرى  بؤبؤ العين اليمين من الكوارتز المظلى باللون الأسود و مثبت بشمع العسل 

لكن العين الشمال مفقودة من لحظة إكتشاف التمثال  و فيه نظريات بتقول إن عين التمثال مش مفقودة ولا حاجة 

لكن التمثال اتنحت بعين واحدة لأن ده كان له مغزى فنى معين.. 😍😍

النحات المصرى (تحتمس) أبدع فى كل تفاصيل التمثال،

بما فيها عروق الرقبة المشدودة و البارزة من تحت الجلد الشغل ده من 3400 سنة 

براعة النحات المصرى (تحتمس) وصلت لدرجة إن فى 2006 لما التمثال اتصور بالأشعة المقطعية

مدير المتحف المصرى فى برلين لاحظ مع تغيير الأضاءة على التمثال وجود تجاعيد على رقبة نفرتيتي و تحت عينيها

فى إشارة من النحات على تصوير علامات الشيخوخة. و الملاحظة دى أكدتها و أثبتت صحتها صور الأشعة المقطعية. 🤔🤔

الوسوم
اظهر المزيد

Omier Ezzat

اسمي عمير عزت عمري 24 سنة اعشق التدوين ومتابعه الاخبار وتسجيلها

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق
زر الذهاب إلى الأعلى
إغلاق